Қазақстандықтардың денсаулығы үшін күрес: SANTO компаниясы 10 жылда қандай нәтижелерге қол жеткізді.
Бірнеше жыл бұрын Қазақстанның Тұңғыш Президенті Нұрсұлтан Назарбаев нарықты отандық дәрі-дәрмектермен қанықтыру қажеттігі туралы мәлімдеп, осы саладағы инвестицияларды жеке өзі бақылап отырғанын атап өтті.
Қазақстанда фармацевтика саласы шын мәнінде жақсы қарқынмен дамып келеді. Бұл әсіресе коронавирустық індет кезінде, медициналық препараттар өндірісінің арқасында ел дәрі-дәрмектермен қамтамасыз етілген кезде айқын көрінді, деп хабарлайды KAZ.NUR.KZ.
Белгілі бір тауарларды жеткізудегі тапшылыққа әкелуі мүмкін шекаралардың жабылуына қарамастан, фармацевтика саласы денсаулық сақтау саласына үлкен қолдау көрсетті. Стационарлар, дәріханалар мен медициналық ұйымдар түрлі дәрі-дәрмектермен және сол кезде қажетті антибиотиктермен қамтамасыз етілді. SANTO компаниясы фармацевтикалық қауіпсіздікті қолдауда үлкен рөл атқарды, ол он жылдан бері Қазақстанды дәрі-дәрмекпен қамтамасыз ету үшін халықаралық сапа стандарттарына сәйкес келетін Шымкенттегі заманауи зауытты салып, елге сырттан инвестициялар тартып келеді.
10 жыл ішінде қандай жетістіктерге қол жеткізілді?
10 жыл бұрын, 2011 жылдың қыркүйегінде SANTO компаниясы Польшадағы дәрі-дәрмек препараттарын өндіретін ең ірі Polpharma компаниялар тобына қосылып, Қазақстанның фармацевтика саласындағы жетекші кәсіпорнына айналды.
Инвестициялар туралы шешім қабылданғаннан кейін бірден SANTO халықаралық сапа стандарттарына толық сәйкес болу үшін жаңа өндіріс құрып, барларын жаңғырта бастады. Инвестициялық жобаның құны шамамен 108 миллион долларды құрады.
Бүгінде зауыт бірегей жабдықтармен жабдықталған, бұл өндірістік процестерді автоматтандыруға және біріктіруге мүмкіндік берді. Сондай-ақ, SANTO компаниясы Қазақстанда ТМККК аясында сатып алынатын дәрі-дәрмектердің жалпы көлемінің үштен бір бөлігін шығара және жеткізе отырып, фармацевтикалық саладағы қазақстандық өндірушілер арасында көшбасшылардың біріне айналды.
Сонымен қатар, компания көршілес елдер – Қырғызстан мен Өзбекстанда өкілдіктер ашып, Ресей мен Моңғолияға дәрілік заттар мен препараттар экспортын жолға салды.
SANTO компаниясының өнімдері
Өндірілетін өнімнің сапасын да атап өткен жөн – ол фармацевтикалық өнеркәсіптің озық жетістіктеріне сәйкес келіп қана қоймай, реттеуші органдардың барлық талаптарына жауап береді. Жаңа дәрілік заттарды шығару мен клиникалық зерттеулерде компанияның ғылыми-зерттеу зертханасы мен медициналық бөлімі үлкен рөл атқарады. Шығарылатын өнім желісі нарықтың қажеттілігіне байланысты жыл сайын өсіп келеді. Компанияның өндірістік қоржынында инъекциялар, инфузиялық ерітінділер, шәрбаттар, таблеткалар мен капсулалар бар.
Халықаралық тану
SANTO компаниясының барлық цехтарға арналған тиісті өндірістік тәжірибенің (GMP) халықаралық стандарттарына сәйкестік сертификаты және дәріхана қоймасына арналған тиісті дистрибьюторлық тәжірибенің (GDP) стандартына сәйкестік сертификаты бар.
Қызметкерлерді оқыту
Әрине, бірде-бір сала кадрлардың біліктілігін арттырмай толыққанды дами алмайды. SANTO -да, өз қызметкерлерінің кәсіби дайындығына көп көңіл бөле отырып, қалыс қалмады. Ол үшін 2019 жылы SANTO ACADEMY онлайн-платформасы іске қосылды, онда қызметкерлер компанияның ішкі процестерін оқып, біліктілік курстарынан өте алады. Қызметкерлерге қажетті әдебиеттері бар онлайн-кітапхана бар. Ал оқуды бітіргеннен кейін білімін тексеру үшін тестілеу өткізіледі.
Індет емтиханы
2020 жылы медицина саласындағы көптеген ұйымдар індет емтиханынан өтті. Қазақстанда коронавирусты жұқтырудың алғашқы жағдайлары пайда бола салысымен, алдыңғы жылдары аса қажет емес құралдар тапшылығы пайда болды – бұл обаға қарсы костюмдер, қолғаптар, медициналық маскалар, респираторлар мен дезинфекциялау құралдары.
SANTO шетте қалмай, қысқа мерзімде медициналық мекемелерге жеке қорғаныс құралдары мен дәрі-дәрмектерді 100 мың доллардан астам сомаға жеткізіп, көмек көрсетті. Өндіріс және, тиісінше, қызметкерлер үздіксіз жұмыс істеді.
Сонымен қатар, коронавируспен ауырған науқастарды емдеу үшін денсаулық сақтау жүйесін өмірлік маңызды дәрі-дәрмектермен қамтамасыз ету қажет болды. Бұл препараттар Polpharma тобының қолдауының арқасында компания кәсіпорындарынан және оның Польша мен Ресейдегі серіктестерінен Қазақстанға жеткізілді. Polpharma тобының Бақылау кеңесінің төрағасы және шетелдік инвесторлар кеңесінің мүшесі Ежи Старактың Қазақстанға Polfa Warsaw препараттарынан тұратын жіберген гуманитарлық көмегін де атап өткен жөн. Дәрі-дәрмектер әрі қарай еліміздің медициналық мекемелеріне тарату үшін "СК-Фармация" ЖШС-не берілді.
Айтпақшы, 2020 жылдың қараша айында SANTO 9,7 миллион пакет шығарып, дәрі-дәрмек шығаруда өзінің рекордын жаңартты. Сол жылы компания үздік корпорация ретінде Қазақстанның фармацевтикалық нарығында iqvia Rx & CONSUMER HEALTH AWARDS 2020 жеңімпазы болып, сатылымның абсолюттік жылдық өсімін көрсетті.
Ал қызметкерлер ше? Індет кезінде қазақстандықтардың денсаулығына қамқорлық жасайтын өндіруші ел игілігі үшін еңбек етіп жатқан өз қызметкерлер туралы да ұмытпаған жоқ. Қызметкерлерді жұқтыру қаупінен мүмкіндігінше қорғау үшін оларға санитайзерлер мен маскалар таратылды. Компания арнайы кіру режимін орнатты. Барлық кірушілер қашықтықты сақтай отырып, температура мен денсаулық жағдайын тексеретін бақылаудан өткен болатын. Қызметкерлер үшін жұмыс орындарында тамақтану, қаладан тыс жерде тұратындар үшін профилакторийде тұру, ТЖ режимі кезінде бірнеше ауысымда тасымалдау қамтамасыз етілді, ал вакциналардың пайда болуымен компания қызметкерлері белсенді түрде иммундаудан өтуде.
Ағымдағы жылдың қорытындысы
2021 жыл SANTO үшін 2020 жылдан кем емес өнімді болды. Биыл өндіріс көлемі 6% - ға өсіп, жылына 81 млн қаптамадан асты.
Ең танымал дәрілер антисептиктер, жөтелге қарсы препараттар, антибиотиктер, пробиотиктер және Д витамині болды. Стационарларда антибиотиктер, қан сұйылтатын препараттар, кардиопрепараттар сияқты дәрі-дәрмектер сұранысқа ие болды.
Сонымен қатар, осы жылы SANTO рецептік дәрілер сегментінде неврология, кардиология және урология саласындағы 15 жаңа препарат (лончтар), сондай-ақ тыныс алу аурулары мен дәрумендердің рецептсіз сегментінде 10 жаңа препарат шығарды.
Компания 2021 жылы дәрі-дәрмек тапшылығына жол берілмегенін және SANTO елдің фармацевтикалық қауіпсіздігін одан әрі сақтау үшін барлығын жасап жатқанын атап өтті. Ал бұл тек ең қажетті, өмірлік маңызды препараттардың жеке өндірісіне инвестициялауды жалғастыру арқылы ғана мүмкін болады.